مشكله الشحن والشحن الوهمي نوكيا لا يشحن والشاحن غير مدعوم وتعليق الشاحن ومشاكل سوكت الشحن

بسم الله الرحمن الرحيم

مشكله الشحن والشحن الوهمي هاتف نوكيا:

 مشكله الشحن في هاتف نوكيا من المشاكل المقلقه وفي متناول الفيديو سنري طريقه معالجه مشاكل بدون مخطط شحن نوكيا 105مثل مشكله عدم قبول الشحن ومشكله الشحن الوهمي التطبيق علي هاتف نوكيا 105-2017 الافوميتر او المليميتر من الادوات المهمه في فحص هذا النوع من المشاكل عرض مشكله لا يشحن نوكيا والشاحن غير مدعوم وتعليق الشاحن ومشاكل سوكت الشحن . 

فيديو الشرح العملي

⚠️ملحوظه:ما سوف يتم شرحه ليس متعلق بمشاكل شحن نوكيا فقط بل ستخرج من هذا الدرس إنشاء الله وتستطيع حل 90% من مشاكل الشحن في جميع انواع الأجهزه إن إتبعت الطريقه يرجي التمهل في النظري والعملي لكي تأخذ خبره سنوات 

بعد هذا الدرس إنشاءالله لن نحتاج الي مخططات نوكيا مثل مخطط شحن نوكيا 105 ومخطط شحن نوكيا 130 ومخطط شحن نوكيا 110 ومخطط شحن نوكيا 150 ومجموعه مخططات نوكيا.

ما سوف يتم شرحه في هذه الدوره :

1-مشكله الشحن الوهمي (الهاتف يعطي جاري الشحن ولكن البطاريه لا تمتلأ)

2-مشكله عدم الشحن (الهاتف لا يشحن وكأن الشاحن لم يوصل )

3-مشكله لا يشحن 

4-الشاحن غير مدعوم 

5-تعليق الشاحن ومشاكل سوكت الشحن 

                  ⚠️⚠️⚠️⚠️⚠️⚠️⚠️⚠️⚠️⚠️⚠️

!!؛ مخطط دائره الشحن للجهاز بصفه خاصه ومكونات دائره الشحن بصفه عامه "؛  

مكونات دائره الشحن تتمثل في : سوكت الشحن بعده فيوز وملف ومقاومه وبعد كدا دايود ومكثفات تنعيم ومقاومه تنعيم وعدم ارتداد. 

1.فيوز يتم توصيلها علي التوالي وتعمل علي قطع المسار (تتلف)

أذا إزداد التيار لكي لا يصيب باقي المكونات أو الجهاز ككل بالضرر .

2.ملف يعمل علي تكبير التيار نوعا ما إن كان ضعيفأ بعض الشئ ويحافظ علي إستقرار الطاقه .

3.مقاومه تعمل علي تقليل التيار إذا إزداد نوعا ما وإستقراره أيضأ.

4.دايود يعمل علي توحيد التيار وإستقراره في إتجاه واحد ولا يسير العكس إبدأ إلا لو تلف الدايود (الترانزستور).

5.مكثفات تنعيم ومن اسمها تعمل علي تنعيم التيار إن كان متردد أو مذبذب أو غير مستقر لكي لا يصيب البطاريه بتلف أو تقصير في العمر الإفتراضي .

 

6.مقاومه تنعيم وعدم إرتداد للتيار تعمل علي تنعيم التيار المتذبذب وتقليله عن 5v حد بسيط المحافظه علي عمر البطاريه وسلامه مسار bsi لأن هذه المقاومه مرتبطه مع هذا الخط لتحديد نسبه الشحن وأخري . 

الشحن الوهمي

 بسم الله الرحمن الرحيم مشكله الشحن الوهمي من المشاكل المشهوره في الاندرويد والزراير وبذات في النوكيا وغالبا في الاندرويد بتكون حاجه من تلاته ( سوكت. فلاته شحن أو توصيل. أي سي شحن ) أما في النوكيا مشكلها كتير وإنشاء الله هنطلع من الدرس ده وحوش في دائره الشحن . 

بص يا باشا عندك الافوميتر ده أيدك ورجلك في الشغل والشغل كله عليه  هنستخدم وضعين وضع البازر ووضع قياس الفولت أو الفولتيه زي ما تسموها     (بالنسبه للمبتدئين أهو)

  / وضع البازر بيكون عليه علامه الجرس ودا معناه لما تلمس الطرفين لبعض يدي صفاره ودا بيستخدم لإختبار المسارات سليمه أم مقطوعه .

 

  / وضع قياس الفولت ودا من أسمه بيستخدم في قياس مقدار الفولت ؛بنجيب المؤشر علي 20 الي في علامه الفولت المستمر v--

بس غلط لو بقي علي الفولت المتردد v_-_- تمام كدا 👍 .

 

وطبعن الكابلات الأحمر في علامه الزائد + والأسود أو الأبيض في الناقص - .

طبعا زي ما أحنا شايفين دا سوكت الشحن موصل علي الفيوز وبعد كدا مكثف تنعيم والملف ومكثف تاني ناس هتقول ترتيبك فوق في شرح مكونات الدائره غير الترتيب ده طبعا ودا طبيعي أن تلاقي مكثفات عشوائي قبل أو بعد اي مكثف وطالما الشركه حطاه يبقي ليه لزمه في تنعيم التيار إلي لو محصلش البطاريه هتبوظ وبعدين الموبايل هيبتدي يخلص شحن بسرعه علشان المكونات الي كانت بتحافظ علي إتجاه وإستقرار التيار ضربت أو كفأتها قلت من التيارات الغير منتظمه وبعدين في النهايه الموبايل بيبوظ خالص تمام وصلت كدا المعلومه 👍.

الإعداد :

.اول حاجه ممكن نقيس الفولت علي سوكت الشحن ونلاقيه موجود وهو وهمي للحل هنغير سوكت جديد للتأكد من سلامه الفولت وهقولك بعدين تعرف منين أن السكوت أصلي أو مضروب علشان لو مضروب يبقي الموبايل مفيهوش مشكله وانتا عمال بتلعب فيه والسبب سوكت صيني علشان المستورد إبن ..

.هنبتدي نوصل الشاحن في الموبايل وهو مفكوك ( البورده بس ) .وهنشغل الأفوميتر علي وضع قياس فولت علي20مستمر متنساش

لازم تلاقي الشاشه زيرو وأتأكد إن الكابلات مفصوله عن بعضها علشان المجال الكهربي

أول الشغل:

.هنبتدي نحط الطرف السالب الكابل الأسود علي أي جسم أرضي والطرف الموجب علي رجل الموجب لسوكت الشحن الفولت ما يساوي خمسه تمام هننزل بعدها نقيس الفولت علي رقم 1 في الصوره الفيوز ونتأكد إن الفولت واصل عليها 

.زي ما أحنا علي الأرضي هننقل بس الموجب من علي الفيوز علي المكثف رقم 2 ونشوف الفولت كام لو الفولت وصل v3.5 أو زي كدا يبقي ما قبله فيه مشكله الي هوا جايب الفولت لينا أصلا الفيوز رقم 1 

.وهكذا علي الملف رقم 3والمكثف رقم 4 نقيس الفولت لو قليل زي ما قولنا المكون الي قبل القياس الضعيف هوا السبب علشان هوا الي مغزي لو الفولت تمام لحد هنا يبقي المنطقه A سليمه إلي هيا الصوره الأولي وهننتقل للمنطقه الثانيه B .

أولا: نقيس مع أي أرضي نقطه القصدير التي تعلو المسار للتأكد من أن الفولت وصل من المنطقه A الي المنطقه B وقيمته 5v لو وجد خلل يرجي أخذ بريدج (كوبري)من أخر مكثف في الصوره الأولي الي نقطه القصدير 

ثانيا:قياس طرفي دايود الشحن رقم 2 للتأكد من موجود 2.48v علي كلي الطرفين والرجل السفلي من وجود ما يقارب 4.8إلي 4.5v إن وجد خلل في هذه القياسات فيتم تغيير الدايود لو بقي الوضع سلبي نغير المقاومتان التي تعلوه أولا ثم السفلي ثانيا 

ثالثا:نقيس ما بعد أي سي الشحن رقم2 للتأكد من وصول 4.2v ولكي نقيس نضع الموجب علي المكون رقم 3من ناحيه أي سي الشحن (الناحيه العلويه ) لو وجد خلل يتم تغيير أي سي الشحن فورا رقم 2 وبعد تغييره نقيس لو بقي القياس قليل نتأكد من سلامه الايسي الثاني بثالث أيضا ولو بقي نراجع المكونات ما قبل الأيسي مره أخري  ملحوظه لو وجد القياس بعد التغيير 0صفر تأكد أن الايسي لم يركب بطريقه سليمه ويرجي الضغط عليه قليلا أثناء التسخين 

رابعا: قياس الفولت علي المكون رقم 3 المقاومه المناعه للأرتداد من الناحيه الأخري (ناحيه الريش)للتأكد من وجود ما يقارب 4-4.2v لو وجد خلل يرجي بتغييرها بأخري ولو وجدت المقاومه المكتوب عليها +20 الموجوده في الأجهزه القديمه تنفع وقد تفي بالغرض طبعا 

مشكله عدم الشحن

أولا تأكد من سلامه الشاحن وتجربه شاحن أخر حيث عند تأكل سوكت الشحن أو الوصله يسبب تعليق وانقطاع في الشحن وبعد تجربه شاحن أخر سوف تحدد العطل سوكت ام شاحن أم الأثنين 

في حاله انقطاع الشحن تماما يرجي إتباع الأتي :  

 

بعد فك الجهاز .......

مثل ما فعلنا سابقا في مشكله الشحن الوهمي سنفعل مره أخري وبعد التأكد من خروج فولت من سوكت الشحن الي البورده نقيس باقي المكونات بالترتيب ولكن النتيجه هذه المره. قد تكون مختلفه علي شاشه الأفوميتر لأن النتيجه ستكون 0 أو شبه منعدمه قليله جدا  

 

ولكن للأختصار والتسهيل يرجي أتباع الآتي أولا بعد التأكد من قياس خرج الفولت من سوكت الشحن يرجي قياس ما بعد ايسي الشحن إن وجدت منتظمه يرجي قياس ما قبل أن وجد الفولت عالي ومنخفض بعد الايسي يرجي تغيير الايسي فورا ولكن إن وجد الفولت منخفض قبل وبعد يرجي مراجعه المكونات السابقه حتي وجود انعدام فولتيه ويكون هنا الخلل ويرجي أيضا في حاله وجود فولت عالي قبل وبعد الايسي يرجي تغيير المقاومه المانعه للإرتداد وهنا قد انتهينا من عطل إنقطاع التيار.

مشكله لا يشحن 

إن واجهتك مثل هذه المشكله يرجي تجربه شاحن وبطاريه مختلفين وبطاريه مره رماديه ومره سوداء  إن إستمرت المشكله 

يرجي إزاله أو رفع هذه الكريستاله الموضحه في الصوره والتأكد بعد نزعها من أن الاربع أرجل التي تحتها غير متلامسه

الشاحن غير مدعوم

عند ظهور هذه الرساله نتوجه لتغيير دايود الشحن ومن ثم ايسي الشحن وان لم يأتي بنتيجه نغير مقاومه الارتداد ومن ثم المكثفات حول الدايود لن يخرج حل العطل عن ما كتب إنشاء الله.

قفله في دائره الشحن (شورت)

بيعمل قفله بيطفي الشاحن أو الموبايل بيفصل أول ما توصل الشاحن تمام أول حاجه ممكن قفله في ايسي الشحن تغيره تاني حاجه قافله في مكون من مكونات الدائره وغالبا هنشوف اي مكون متواصل علي التوازي علشان بيقي ليه الطرفين واحد في موجب الدائره والتاني أرضي فلو حصل قفله في المكون بيوصل أرضي علي موجب والمكونات دي مثل المكثفات طيب أعرف منين أنه سليم هنشغل الأفوميتر علي وضع البازر هنحط طرف علي الأرضي والطرف التاني علي المكثف لازم طرف فيهم يدي صوت علشان أرضي بس لو الطرف التاني ادي صوت هوا كمان أعرف أن المكثف ده فيه قفله لكن طرف صوت وطرف مفيش صوت دا يبقي سليم وبكدا خلصنا قفله دائره الشحن.

تعليق الشحن ومشاكل سوكت الشحن

زهق من تغيير سوكت الشحن وكل شويه يبوظ والسوكتات فيها مشاكل بص هقولك علشان متضيعش شغل وفلوس ووقت السوكت الأصلي بيبقي مكتوب عليه 15v1.1يعني اي الكلام ده يعني بيشحن علي 15فولت وشده تيار 1.1a ما علينا من الكتابه بتقول اي المهم را الفرق بين الأصلي والتقليد وعفكره فيه سوكتات مكتوب عليه بس مش نفس الكلام 

بص دا السوكت الاصلي

ودا التقليد